جداول المقاسات

بسم الله الرحمن الرحيم
ازيكم يا حبايبي عاملين ايه

ايس كاب كروشيه بالخطوات للمبتدئين

موديل النهارده عباره عن ايس كاب كروشيه سهل ومناسب للمبتدئين
بيعتمد في الشغل على غرزه العمود الامامي والعمود الخلفي
مما يجعل القطعه متماسكه ولا يتغير شكلها عند الاستعمال
بنبدا الايس كاب من الاعلى عن طريق تزايد الدائره المعتاد
ثم نستمر في العمل لنهايه الايس كريم
طريقة عمل ايس كاب كروشيه بالخطوات

معلومات عن الموديل

 تم تنفيذ الموديل لمقاس 10 سنوات 

مع امكانيه تعديل المقاس ليناسب اي سن واي مقاس من خلال جدول المقاسات
الخيط المستخدم هيمالايا ايفري داي سوبر لوكس
كميه الخيط من 80 ل 85 جرام
مقاس الابره ثلاثه ونصف من الممكن استبدال نوعيه الخيط باي نوع مفضل لديكم وابره مناسبه لنوع الخيط

المطلوب لتنفيذ الموديل 

اول مقاس مقاس طول قطر الدائره وده بنلاقيه في جدول المقاسات
ثاني مقاس طول الايس كاب

بدايه العمل

 بنعمل 5 سلاسل ونقفلهم بمنزلقه لتتكون دائره صغيره ممكن استبدال السلاسل بالدائره السحريه
1-السطر الاول

نرتفع سلسلتين ونحسبهم بعمود ونشتغل كمان تسعه عمود في قلب الدائره ليتكون عندنا في النهايه عشره عمود ننهي السطر الاول في ثاني سلسله ارتفاع

2- السطر الثاني 

نرتفع سلسله وتحسب مجرد ارتفاع ونشتغل على اول عمود عمود امامي

 ثم عمود بلفه في الفراغ بين الغرز وده بيكون عمود التزايد 

ثم ننتقل على العمود رقم اثنين ونشتغل عليه عمود امامي 

ثم عمود بلفه في الفراغ لنهايه السطر ليصبح عدد الغرز 20 غرزه 

عشره عمود امامي وعشر عمود بلفه ننهي السطر في اول عمود بلفه

3-السطر الثالث 

نرتفع سلسله ودي مجرد ارتفاع اول غرزه عمود امامي 

العمود رقم اثنين عمود خلفي ثم عمود بلفه في الفراغ وده عمود التزايد 

ونكرر عمود امامي عمود خلفي عمود بلفه في الفراغ لنهايه السطر 

ينتهي السطر في اول عمود امامي بمنزلقه

4-السطر الرابع

نرتفع سلسله وتحسب مجرد ارتفاع

 اول غرزه (عمود امامي -عمود خلفي -عمود امامي- عمود بلفه في الفراغ بين الغرز)

 وده عمود التزايد ونكرر لنهايه السطر وننهي السطر في اول عمود امامي

5-السطر رقم خمسه 

نرتفع سلسله تحسب مجرد ارتفاع

 اول غرزه عمود امامي- عمود خلفي -عمود امامي- عمود خلفي -عمود بلفه في الفراغ 

وده عمود التزايد نكرر لنهايه السطر وينتهي السطر في اول عمود امامي
ونستمر على نفس النمط لحين وصول قطر الدائره للمقاس المطلوب على حسب السن 

(يجب الرجوع لجدول مقاسات الايس كاب )

ملاحظه هامه يجب ان يكون عدد سطور الدائره عدد زوجي حتى نتمكن من تكمله الغرزه

ايس كاب كروشيه للشتاء
نستمر بعد ذلك بدون تزايد ليصبح السطر عباره عن
نرتفع سلسله تحسب مجرد ارتفاع ثم عمود امامي عمود خلفي عمود امامي عمود خلفي لنهايه السطر

 ننهي السطر في اول عمود امامي بمنزلقه
ونستمر في تكرار هذا السطر الى الوصول لطول الايس كاب المناسب ناقص 7 سم

ثم نبدا في تنفيذ غرزه الباف على نهايه الايس كاب 

شرح طريقه العمل بالتفصيل في الفيديو التعليمى

وده جدول المقاسات لسهوله العمل حتى تتمكن من تنفيذ الموديل لاي سن وباي مقاس
صفحة جداول المقاسات
لمشاهده طريقه العمل بالتفصيل تابعوا الفيديو التعليمى