جداول المقاسات

طريقة عمل كوفيه كروشيه للرجال والسيدات

بسم الله الرحمن الرحيم
ازيكم يا حبايبي عاملين ايه
موديل النهارده عباره عن كوفيه كروشيه سهله وبسيطه
ممكن تشتغليها بخيط ساده او خيط جنجا
مناسبه للرجال ومناسبه كمان للسيدات
هنشوف خطوات العمل بالتفصيل 

مواصفات الكوفيه

عرض الكوفيه 18 سم
طول الكوفيه 160 سم
كميه الخيط المستخدمه 200 ل 210 جرام خيط تقريبا
المقاس ده مناسب للكبار غرزه الكوفيه تصلح لمشاريع كثير من الكروشيه
مثل (بطانيه اطفال -بندانه- مفرش سرير -شال )
اشتغلت بنفس الغرزه بندانه هنشوف شكلها في الفيديو التعليمى
كوفيه كروشيه بالخطوات

نوع الخيط المستخدم

خيط سويت رول استوك
مقاس الابره خمسه
طبعا ممكن تشتغلوا باي نوع خيط مفضل لديكم وابره مناسبه لنوعيه الخيط
غرزه الكوفيه سهله جدا بتتكون من سطرين وبنكررهم
بتعتمد الغرزه على مضاعفات العدد 4 زائد واحد

كوفية كروشيه بالخطوات
بدأت الكوفيه ب 24غرزه وده من مضاعفات العدد اربعه
وفي الاخر زودت غرزه واحده ليصبح عدد غرز سلاسل البدايه 25 غرزه

مقاسات الكوفيه لجميع الاعمار

• من سن سنتين لاربع سنين طول الكوفيه متر لمتر و20 سم والعرض 10 سم
• من خمس سنين ل 12 سنه طول الكوفيه متر ونصف والعرض 15 سم
• مقاس الكوفيه للكبار من متر ونصف لاثنين متر على حسب اختيارك والعرض من 15 ل 20 سم

تقدري تبدئي باي عدد من مضاعفات العدد اربعه 

على حسب المشروع اللي بتشتغليه وفي الاخر بنزود غرزه واحده علشان تظبط معانا السطر
لمشاعدت طريقة العمل بالتفصيل تابعوا الفيديو التعليمى