جاكيت كروشيه شتوى للاطفال

جداول المقاسات لجميع الاعمار

بسم الله الرحمن الرحيم
ازيكم يا حبايبي عاملين ايه
النهارده خصصت التدوينه دي لجداول المقاسات
هيكون موجود معنا جميع جداول المقاسات اللي ممكن تحتاجيها علشان تقدري تعملي اي قطعه كروشيه
اي موديل لاي سن وباي مقاس كل ما هيكون في جدول جديد هاضيفه على الصفحه دي احفظوا لينك الصفحه عندكم لما تحتاجه جداول المقاسات تكون موجوده
ملحوظه لو الطفل موجود نأخذ المقاسات منه مباشرة وده بيكون افضل
بسبب اختلاف المقاسات من طفل لاخر حتى فى نفس السن

فى الموديلات المفتوحه  نبدأ العمل بمقاس محيط دوران الرقبة زائد خمسه سم
اما الموديلات المغلقه بنبدأ بمقاس محيط دوران الرأس ناقص خمسة سم

الموديلات ذات الصدر المربع

في الموديلات اللي بتعتمد على الصدر المربع للتاكد من وصول الصدر للمقاس المطلوب

 بنحتاج من الجدول مقاسين اول مقاس هو مقاس محيط دوران الذراع 

وبنقيس منطقه الكم ونتاكد انها وصلت للمقاس المطلوب 

ثاني مقاس بيكون مقاس محيط دوران الصدر بنقسم المقاس على اثنين

 بنقيس جزئيه الظهر او الصدر من الامام يجب ان تصل لنصف مقاس محيط دوران الصدر

 او مقاس محيط دوران الصدر على اثنين

الموديلات ذات الصدر الدائرى

اما في الصدر الدائري بنشتغل القطعه بتاعتنا وعند وصول القطعه للمقاس المطلوب 

او تقريبا تصل للمقاس المطلوب بنبدا في تقسيمه الصدر

 ووضع العلامات وبعد ذلك بنطبق عليها نفس المقاسات 

وهي مقاس محيط دوران الذراع ونصف مقاس محيط دوران الصدر

مقاسات الكم

جزئيه الكم في مقاسات الاطفال بناخذ مقاس محيط دوران الذراع 

اما في مقاسات الكبار فبناخذ طول حرده الكم فى 2

لان غالبا في مقاسات الكبار لا يوجد في الجداول مقاس محيط دوران الذراع

مقاس غطاء الرأس (الكابيشو)

لو الموديل يوجد به غطاء للراس او كابيشو

 فده بيكون بمقاس طول الايس كاب زائد 5 سم طبعا على حسب السن

 والمقاس ده بيكون موجود في جداول الايس كاب

بعض الموديلات بتحتاج لتقسيمه صدر معينه 

هذه الموديلات هيكون مرفوق مع التدوينه تقسيمه الصدر

لا تعتمدي على عدد سلاسل معين في المقاس

 لان عدد السلاسل بيختلف من نوعيه خيط لاخر

 ومن مقاس ابره لابره اخرى لهذا الافضل يكون المقاس بالسنتيمتر

المقاسات المطلوبه في اغلب الموديلات 

مقاس محيط دوران الرقبه زائد 5 سم لو الموديل مفتوح
مقاس محيط دوران الراس ناقص 5 سم لو الموديل مغلق مقاس محيط دوران الزراع
نصف مقاس محيط دوران الصدر
طول الكم الطويل
الطول الكلي للموديل وده بيكون متروك لك

مقاسات الايس كاب

اما في الايس كاب لو الايس كاب يبدا من اعلى

 اول مقاس بنحتاجه هو مقاس قطر الدائره على حسب السن 

ثاني مقاس بيكون طول الايس كاب والمقاسات دي موجوده في جدول مقاسات الايس كاب 

اما لو كان الايس كاب بيبدا من الاسفل فبنبدا بالكمر 

بنحتاج اول مقاس بيكون مقاس محيط دوران الراس ناقص 5 سم 

المقاس الثاني بيكون طول الايس كاب

مقاسات البنطلون

بالنسبه لبناطيل الاطفال اول مقاس بنحتاجه للبنطلون بيكون مقاس محيط دوران اكبر حجم

 ثاني مقاس بيكون طول الحجر وطول الحجر بنقيسه من عند الكمر

 لاخر سطر اشتغلناه قبل ما نبدا في تنفيذ رجل البنطلون 

اما مقاسات رجل البنطلون فبنحتاج الطول الداخلي للبنطلون

 وده بنقيس من عند الحجر لنهايه الرجل 

او الطول الخارجي للبنطلون وده بنقيس من عند الكمر لنهايه الرجل

مقاسات القدم