جداول المقاسات

بسم الله الرحمن الرحيم
ازيكم يا حبايبي عاملين ايه

طريقة عمل ايس كاب مميز وانيق

موديل اليوم عباره عن ايس كاب كروشيه سهل مناسب للمبتدئين 

تقدري تنفذيه للاطفال او للكبار

 الغرزه بتاعته بتتكون من غرزه العمود الامامي وغرزه العمود الخلفي والعمود بلفه
مما يجعل القطعه متماسكه ولا تتغير في الاستعمال

مواصفات الايس كاب \ طاقية \ قبعه

تم تنفيذ الموديل لسن 10 سنين مع امكانيه تعديل المقاس ليناسب اي سن واي مقاس
نوع الخيط المستخدم خيط كارما
مقاس الابره ثلاثه ونصف
كميه الخيط المستخدمه 70 جرام تقريبا
ملحوظه اختلاف نوع الخيط واختلاف مقاس الابره من الممكن ان يجعلك تحتاجي كميه خيط مختلف

المقاسات المطلوبه لتنفيذ الايس كاب

• المقاس الاول مقاس قطر الدائره
• المقاس الثاني طول الايس كاب طبعا حسب السن وسوف اترك لكم جدول مقاسات الايس كاب لسهوله العمل

بداية العمل

نشتغل سلسله البدايه ثم خمس سلاسل نقفل في السلسله الاولى بمنزلقه

 سوف تتكون دائره صغيره نرتفع من الدائره ثلاث سلاسل وتحسب بعمود 

ونشتغل داخل الدائره كمان 11 عمود العدد النهائي 12 عامود

السطر رقم 2
بدايه السطر نعمل غرزه حشو اماميه في اول عمود ونرتفع سلسلتين وده بيكون اول عمود امامي
ثم عمود في الفراغ بين الغرز وده بيكون عمود التزايد

 ونكرر فوق العمود رقم اثنين عمود امامي ثم عمود في الفراغ بين الغرز

 وده بيكون عمود التزايد ونستمر لنهايه السطر سوف نحصل على 24 عمود

 (12 عمود امامي و12 عمود بلفه)

السطر رقم 3
بدايه السطر نشتغل غرزه حشو اماميه في اول عمود ثم نرتفع سلسلتين وده بيكون اول عمود امامي 

العمود رقم اثنين عمود خلفي ثم عمود بلفه بين الغرز وده بيكون عمود التزايد 

ونكرر عمود امامي عمود خلفي عمود التزايد سوف ينتهي السطر على 36 عمود 

(12 عمود امامي 12 عمود خلفي 12 عمود بلفه)

السطر رقم 4
بدايه السطر بنشتغل غرزه حشو اماميه في اول عمود ونرتفع سلسلتين وده اول عمود امامي 

العمود رقم اثنين عمود خلفي 

العمود رقم ثلاثه عمود امامي 

ثم عمود بلفه بين الغرز وده عمود التزايد 

ونكرر عمود امامي عمود خلفي عمود امامي عمود بلفه بين الغرز وده عمود التزايد

ونستمر في تكرار السطور بنفس نمط التزايد لحين وصول الدائره للمقاس المطلوب

 وهو قطر الدائره على حسب السن

ملحوظه هامه يجب ان يكون عدد سطور الدائره عدد زوجي لكي نتمكن من تكمله الغرزه

مقاس قطر الدائره لجميع الاعمار

1. حديث الولاده قطر الدائره من 10 ل 11 سم
2. من ثلاث الى ست شهور قطر الدائره من 11 الى 13 سم
3. من ست شهور لسنه قطر الدائره من 13 ونص ل 14سم
4. من سنه الى ثلاث سنوات من 14 الى 15 سم
5. من من ثلاث سنين الى عشر سنين من 15 الى 16 سم ونصف
6. مقاس مراهقين من 16 سم ونص الى 17 سم ونص
7. بالغين من 16 سم ونص الى 18 سم
8. الرجال من 18 سم الى 19 سم

ايس كاب كروشيه بالخطوات
ثم بعد ذلك نبدا في تكرار السطور بدون تزايد

 والسطر هيكون عباره عن عمود امامي عمود خلفي عمود امامي عمود خلفي لنهايه السطر

 لحين الوصول الى الطول المناسب للايس كاب على حسب السن ناقص 8 سم تقريبا
بعد ذلك نبدا في عمل الرسمه في نهايه الايس كاب الطريقه بالتفصيل موجوده في الفيديو التعليمى
ده لينك جدول المقاسات لسهوله العمل
لينك جدول المقاسات
لمشاهده الطريقه بالتفصيل تابعوا الفيديو التعليمى