بسم الله الرحمن الرحيم ازيكم يا حبايبي عاملين ايه بلوفر كروشيه للاولاد موديل النهارده عباره عن بلوفر كروشيه للاولاد مناسب للاطفال والكبار
بيعتمد البلوفر على غرزه النصف عمود
ولكن بطريقه مختلفه هنشوف الطريقه بالتفصيل
كمان هيكون في جدول للمقاسات حتى تتمكنوا من تنفيذ الموديل لاي سن وباي مقاس
مواصفات الموديل تم تنفيذ الموديل لسن من سنه لسنه ونصف مع امكانيه تعديل المقاس ليناسب اي سن واى مقاس نوع الخيط المستخدم خيط سويت رول فاشون وده خيط ستوك بيجي بالميزان مقاس الابره اربعه ونص كميه الخيط 270 جرام تقريبا
من الممكن استبدال نوعيه الخيط باي نوع مفضل لديكم وابره مناسبه لنوعيه الخيط
بلوفر كروشيه للاطفال والكبار
المطلوب لتنفيذ الموديل
اول مقاس هو مقاس محيط دوران الرقبه
المقاس رقم اثنين بيكون مقاس محيط دوران الذراع وده بنطلعه من جدول المقاسات لو الطفل مش موجود معك
المقاس رقم ثلاثه بيكون مقاس محيط دوران الصدر
المقاس رقم اربعه طول الكم الطويل
المقاس رقم خمسه بيكون الطول الكلي للبلوفر وده متروك لك
طريقة عمل بلوفر كروشيه للاطفال
بدايه العمل نبدا بسلسله بمقاس محيط دوران الرقبه زائد 5 سم
مع مراعاه ان تكون عدد فردي
بشتغل القطعه بتاعتي لسن من سنه لسنه ونص محيط دوران الرقبه 25 سم
زودت عليه كمان 5 سم واشتغلت سلسله بطول 30 سم رعيت فيها تكون عدد فردي طلعت معي 49 غرزه
تقسيمة صدر البلوفر
تقسيمه الصدر مهمه حتى نتمكن من عمل الغرزه اول خطوه في تقسيمه الصدر بنطرح اربع غرز ودول بيكونوا للزوايا باقي الغرز بنبدا نقسمهم على الامام والخلف والكم اليمين والكم الشمال
مع مراعاه ان كل الاعداد تكون الاعداد فرديه بعد تقسيمه الصدر والتاكد من الاعداد ان جميع الارقام اعداد فرديه نبدا في عمل السطر الاول
بلوفر كروشيه ولادى
السطر الاول عباره عن غرزه نص عمود بنرتفع سلسله وتحسب مجرد ارتفاع وبنشتغل في كل غرزه غرزه نصف عمود لنهايه السطر نبدا بعد ذلك في وضع العلامات لمعرفه اماكن الزوايا ثم نبدا فى
السطر رقم اثنين بدايه السطر بنرتفع سلسله وبتحسب مجرد ارتفاع الغرزه الاولى بتكون غرزه نصف عمود تحت الحلقتين
الغرزه رقم اثنين بتكون غرزه نصف عمود في الحلقه الجانبيه او الحلقه الثالثه
الغرزه رقم ثلاثه بيكون نص عمود في الحلقه الخلفيه
الغرزه الرابعه بتكون غرزه نصف عمود في الحلقه الجانبيه
الغرزه الخمسه بتكون غرزه نصف عمود في الحلقه الخلفيه
وبنستمر على هذا النمط غرزه نصف عمود في الحلقه الجانبيه وغرزه نصف عمود في الحلقه الخلفيه
لحين الوصول لمكان الزاويه
عند الوصول لغرزةالزاويه او غرزه العلامه بنشتغل ثلاثه نص عمود في نفس الغرزه
وبنشتغلهم تحت الحلقتين ونضع العلامه فى غرزة النص عمود رقم اثنين وبنراعي ان الغرزه اللي قبل الزاويه بتكون نفس الغرزه اللي بعد الزاويه
بمعنى لو الغرزه اللي قبل الزاويه نصف عمود في الحلقه الخلفيه بتكون الغرزه اللي بعد الزاويه نصف عمود في الحلقه الخلفيه ولو كانت الغرزه اللي قبل الزاويه نصف عمود في الحلقه الجانبيه
بتكون الغرزه اللي بعد الزاويه نصف عمود في الحلقه الجانبيه وبنستمر على نفس النمط لنهايه السطر وبينتهي السطر بغرزه نصف عمود تحت الحلقتين
السطر رقم ثلاثه نرتفع سلسله وتحسب مجرد ارتفاع الغرزه الاولى غرزه نص عمود تحت الحلقتين
الغرزه رقم اثنين غرزه نص عمود في الحلقه الجانبيه
الغرزه رقم ثلاثه نصف عمود في الحلقه الخلفيه
الغرزه رقم اربعه نص عمود في الحلقه الجانبيه
الغرزه رقم خمسه نص عمود في الحلقه الخلفيه
ونستمر غرزه نصف عمود في الحلقه الجانبيه وغرزه نصف عمود في الحلقه الخلفيه
لحين الوصول الى غرزه الزاويه او غرزه العلامه
نشتغل في غرزه الزاويه ثلاثه غرزه نص عمود تحت الحلقتين
ونضع العلامه في غرزه النصف عمود رقم اثنين او الغرزه اللي في النص
ونستمر في تكرار السطور على هذا النمط لحين الوصول بالصدر للمقاس المطلوب
.jpeg)
.jpeg)
