جداول المقاسات

بسم الله الرحمن الرحيم
ازيكم يا حبايبي عاملين ايه
موديل النهارده عباره عن جاكيت كروشيه شتوي
مناسب للاطفال ومناسب كمان للكبار
سهل خطواته بسيطه هنشتغلوا مع بعض بالتفصيل خطوه بخطوه
مناسب جدا للمبتدئين مجرد اتقانك بالغرز الاساسيه هيكون سهل عليك تنفذيه

موديلات كروشيه شتوى بالباترون

الغرز اللي هنشتغل بها عباره عن (غرزه العمود وغرزه عمود امامي وغرزه عمود خلفي وغرزه حشو )
تقدري تنفذي الموديل لاي مقاس من خلال جدول المقاسات وسوف اترك لكم جدول المقاسات لسهوله العمل
كمان فيديو تعليمي بخطوات العمل بالتفصيل
مع باترون للغرزه المستخدمه
وجدول لتقسيمات الصدر

ورشة جاكيت كروشيه شتوى للشتاء

مواصفات الموديل
تم تنفيذ الموديل لسن من سنه لسنه ونص
مع امكانيه تعديل الموديل ليناسب اي سنه واي مقاس
نوع الخيط المستخدم خيط ستوك فاشون
مقاس الابره اربعه
كميه الخيط 280 جرام تقريبا

المطلوب لتنفيذ الموديل
المقاسات المطلوبه
مقاس محيط دوران الرقبه
المقاس رقم اثنين مقاس محيط دوران الذراع
المقاس رقم ثلاثه محيط دوران الصدر
المقاس رقم اربعة طول الكم الطويل
المقاس رقم خمسه الطول الكلي للجاكيت وده متروك لك


بدايه العمل
بنشتغل سلسله بمقاس محيط دوران الرقبه زائد 5 سم
وبنراعي في السلسله تكون عدد فردي
باشتغل الموديل بتاعي لسن من سنه لسنه ونصف مقاس محيط دوران الرقبه 25 سم ضفت كمان 5 سم واشتغلت سلسله بطول 30 سم
راعيت فيها تكون عدد فردي طلعت معي 63 غرزه
ننتقل لخطوه التقسيمه الصدر وتقسيمه الصدر مهمه وده جدول لمجموعه من التقسيمات للمساعده في تنفيذ الموديل
سلاسل البداية نص الصدر \الكم \ الخلف \ الكم \ نص الصدر

• 59 9 11 19 11 9
• 63 11 11 19 11 11
• 69 11 13 21 13 11
• 75 13 13 23 13 13
• 81 13 15 25 15 13
• 87 15 15 27 15 15
• 93 15 17 29 17 15
• 99 17 17 31 17 17
• 105 17 19 33 19 17
• 111 19 19 35 19 19
• 117 19 21 37 21 19

تقسيمات الصدر مدونة هبة للكروشيه

جاكيت كروشيه موديل جديد 2023

بعد تقسيمه الصدر بنبدا في عمل السطر الاول
بدايه السطر الاول
نرتفع سلسلتين ويحسبه باول عمود وبنشتغل في كل غرزه تقابلنا غرزه عمود لحين الوصول للزاويه والزاويه بتكون عباره عن سلسلتين ومش بنتخطى بهم اي غرز
ونستمر على نفس النمط لنهاية السطر

جاكيت كروشيه شتوى للاطفال بالخطوات

السطر رقم اثنين
نرتفع سلسلتين ويحسبه بعمود الغرزه رقم اثنين عمود الغرزه رقم ثلاثه بتكون عمود خلفي الغرزه رقم اربعه عمود عادي الغرزه رقم خمسه عمود خلفي الغرزه رقم سته عمود عادي وبنكرر عمود خلفي وعمود عادي لحين الوصول لفراغ الزاويه عند الوصول لفراغ الزاويه بنشتغل في الفراغ ثلاثه عمود وبنضع العلامه في العمود اللي في النص عشان ده مكان الزاويه في السطر الجديد

بعد الزاويه اول غرزه تقابلنا بتكون عمود خلفي الغرزة اللي بعدها عمود عادي اللي بعدها عمود خلفي.
 وبنستمر على نفس النمط لحين الوصول الفراغ الزاويه وبنشتغل في فراغ الزاويه ثلاثه عمود
وبنستمر على نفس النمط لنهايه السطر وبينتهي السطر بتاعي باثنين عمود عادي زي ما بدا باثنين عمود عادي

السطر رقم ثلاثه
بنرتفع سلسلتين وبيحسبوا بعمود الغرزه رقم اثنين عمود الغرزه رقم ثلاثه عمود امامي الغرزه رقم اربعه عمود الغرزه رقم خمسه عمود امامي والغرزه رقم سته عمود لحين الوصول لغرزه الزاويه بنشتغل في غرزه الزاويه ثلاثه عمود وبنضع العلامه في العمود رقم اثنين لانه مكان الزاويه في السطر اللي جاي
وبنستمر في تكرار السطر رقم اثنين وسطر رقم ثلاثه لحين وصول القطعه للمقاس المطلوبمدونة هبة للكروشيه
جاكيت كروشيه موديل جديد 2023

وده باترون للغرزه المستخدمه
للتاكد من وصول القطعه للمقاس المطلوب بنحتاج مقاسين
مقاس محيط دوران الذراع ويجب ان تصل جزئيه الكم للمقاس المطلوبه
المقاس رقم اثنين وهو مقاس محيط دوران الصدر بنطلعه من الجدول وبنقسموا على اثنين ويجب ان تصل جزئيه الظهر للمقاس المطلوب وهو مقاس نصف محيط دوران الصدر
بعد التاكد من وصول القطعه للمقاس المطلوب نبدا في تقفيل القطعه من عند الكم
طريقه التقفيل بالتفصيل في الفيديو التعليمي



لتنفيذ الموديل باي مقاس يرجى الرجوع لجدول المقاسات
لينك جدول المقاسات
لمشاهده طريقه العمل بالتفصيل تابعوا الفيديو التعليمى