جداول المقاسات

بسم الله الرحمن الرحيم
ازيكم يا حبايبي عاملين ايه
موديل النهارده عباره عن ايس كاب  طاقيه مناسبه للاطفال ومناسبه كمان للكبار خطواتها سهله هنشتغلها مع بعض بالتفصيل خطوه بخطوه

حتى لو انت لسه مبتدئه في الكروشيه هيكون سهله عليك تنفذي الايس كاب ده 

هاسيب لكم جداول المقاسات علشان تقدري تنفذي القطعه لاي سن وباي مقاس 

وكمان هيكون في فيديو تعليمي لطريقه العمل بالتفصيل

ايس كاب كروشيه سهل للاطفال والكبار

مواصفات الموديل

تم تنفيذ الايس كاب لسن 10 سنين
نوع الخيط المستخدم خيط برنسيس سوفتي
كميه الخيط 75 جرام تقريبا
مقاس الابره اربعه
مع امكانيه تغيير نوعيه الخيط لاي نوع مفضل لديكم وابره مناسبه لنوعيه الخيط

المطلوب لتنفيذ الموديل

1. اول مقاس هو مقاس قطر الدائره
2. المقاس رقم اثنين طول الايس كاب

بدايه العمل
بنبدا بعمل غرزه البدايه او عقده البدايه ونشتغل خمس سلاسل ونقفلهم بمنزلقه بيتكون عندنا دائره صغيره
ممكن استبدالها بالدائره السحريه
بدايه الشغل باشتغل 10 غرزه حشو داخل الدائره وباقفل السطر في اول غرزه حشو بغرزه منزلقه
ودي بتكون البدايه

ايس كاب كروشيه سهل للاطفال والكبار

بعد ذلك بنبدا نشتغل في الغرزه بتاعتنا مع التزايد وده مشروح بالتفصيل في الفيديو التعليمي
لحين الوصول لقطر الدائره قطر الدائره موجود في جداول الايس كاب بتحددي السن اللي انت بتشتغليله القطعه وبتروحي على جدول الايس كاب وبتطلعي قطر الدائره وبنفضل نشتغل لغايه ما توصل الدائره بتاعتنا للمقاس المطلوب

مقاس قطرالدائره المناسب لكل سن

• حديث الولاده 10 سم ونصف
• من ثلاث شهور الى ست شهور من 11 سم ل 13 سم ونصف
• من ست شهور لسنه من 13سم ونصف ل 14 سم
• من سنه لثلاث سنوات من 14سم ل 15 سم
• من ثلاث سنوات الى 10 سنوات من 15 سم ل 16 سم ونصف
• مراهقين من 16 سم ونصف ل17 سم ونصف
• نساء من 16 سم ونصف ل 18 سم
• رجال من 18 سم ونصف في 19 سنتي

بعد وصول قطر الدائره للمقاس المطلوب بنبدا في تنفيذ الغرزه بدون تزايد

 لحين وصول القطعه للطول المطلوب 

هو طول الايس كاب ناقص اثنين او ثلاثه سم وده لتنفيذ الكمر

طول الايس كاب المناسب لكل سن

• حديث الولاده من 13 ل 15 سم
• من ثلاث لست شهور 16 ل 17 سم
• من ست شهور لسنه 19 سم
• من سنه لثلاث سنوات 20 سم
• من ثلاث سنوات الى عشر سنوات من 21 الى 22 سم
• مراهقين من 23 الى 25 نساء ورجال من 23 الى 25 سم

بعد ذلك نبدا في تنفيذالكمر

لمزيد من جداول المقاسات اضغط على لينك جدول المقاسات
لينك جدول المقاسات
لمشاهده طريقه العمل بالتفصيل تابعوا الفيديو التعليمي