جداول المقاسات

بسم الله الرحمن الرحيم
ازيكم يا حبايبي عاملين ايه
فستان كروشيه شتوى للاطفال
موديل النهارده عباره عن فستان كروشيه شتوي للاطفال سهل ومناسب للمبتدئين
هنشرحوا مع بعض بالتفصيل خطوه بخطوه
وهاسيب لكم جدول المقاسات حتى تتمكنوا من تنفيذ القطعه لاي مقاس
كمان هيكون في باترون للغرزه
وفيديو تعليمي لطريقه العمل بالتفصيل

فستان كروشيه بالباترون

مواصفات الموديل
تم تنفيذ الموديل لسن من سنه لسنه ونص يلبس لاكبر من كده
نوع الخيط المستخدم خيط تركي استوك فاشون
مقاس الابره اربعه
كميه الخيط المستخدمه لهذا المقاس 350 جرام تقريبا
حوالي 320 من اللون الاساسي وتقريبا من 30 ل 35 جرام من اللون المختلف
طبعا من الممكن تنفيذ القطعه كلها باللون واحد حسب اختيارك وباي نوع خيط مفضل لديكى وابره مناسبه لنوعيه الخيط

طريقة عمل فستان كروشيه شتوى للبنات

المطلوب لتنفيذ الموديل
المقاس الاول هو مقاس محيط دوران الرقبه
المقاس رقم اثنين محيط دوران الذراع
المقاس رقم ثلاثه محيط دوران الصدر
المقاس رقم 4 طول الكم الطويل
المقاس رقم خمسه الطول الكلي للفستان وده متروك لك

بدايه العمل
بنحدد مقاس محيط دوران الرقبه على حسب السن وده بنلاقيه في جدول المقاسات وبنشتغل سلسله بمقاس محيط دوران الرقبه زائد 5 سم بنراعى فى السلسله ان تكون عدد فردي
باشتغل القطعه بتاعتي لسن من سنه لسنتين مقاس محيط دوران الرقبه 25 سم ضفت عليه كمان 5 سم واشتغلت سلسله بطول 30 سم
رعيت فيها ان تكون عدد فردي طلعت معي 55 غرزه
الخطوه التاليه هي تقسيمه الصدر تقسيمه الصدر مهمه في الموديل بتاعنا وسوف اترك لكم جدول لتقسيمه الصدر بالتفصيل كل ما عليك هو عمل سلسله البدايه والرجوع لجدول تقسيمه الصدر لمعرفه التقسيمه المناسبه
عدد الغرز نص الضهر الكم الامام الكم نص الضهر
49 8 9 15 9 8
55 10 9 17 9 10
61 10 11 19 11 10
67 12 11 21 11 12
73 12 13 23 13 12
79 14 13 25 13 14
85 14 15 27 15 14
91 16 15 29 15 16
97 16 17 31 17 16
103 18 17 33 17 18
109 18 19 35 19 18

فستان كروشيه شتوى للاطفال

بعد عمل تقسيمه الصدر بنبدا في السطر الاول
بدايه السطر الاول
بنرتفع سلسلتين ويحسبه باول عمود وبنشتغل على كل غرزه تقابلنا غرزه عمود لحين الوصول للزاويه لم نحدد غرز للزاويه فالزاويه في السطر الاول عباره عن سلسلتين فقط
ونستمر على نفس النمط لنهايه السطر على كل غرزه تقابلنا غرزه عمود

بدايه السطر رقم اثنين
بنرتفع سلسله وتحصل مجرد ارتفاع بنشتغل اربعه غرز حشو على اول اربع غرز في السطر الغرزه رقم خمسه بتكون غرزه كلاستر الغرزه اللي بعدها غرزه حشو وبنستمر غرزه كلاستر وغرزه حشو غرزه كلاستر غرزه حشو لحين الوصول لفراغ الزاويه بنشتغل تحت السلسلتين زاويه جديده والزاويه السطر ده عباره عن حشو سلسلتين حشو
اول غرزه بعد الزاويه بتكون غرزه حشو
الغرزه اللي بعدها كلاستر الغرزه اللي بعدها حشو الغرزه اللي بعدها كلاستر وبنستمر على نفس النمط لنهايه السطر
اخر اربع غرز في السطر بيكونوا غرز حشو وبينتهي السطر رقم اثنين باربع غرز حشو زي ما بدا باربع غرز حشو
مدونة هبة للكروشيه

موديلات كروشيه شتوى للاطفال

بدايه السطر رقم ثلاثه
بنرتفع سلسلتين وهيحسبوا بعمود وبنشتغل على كل غرزه تقابلنا غرزه عمود لحين الوصول لفراغ الزاويه
بعد الوصول لفراغ الزاويه بنشتغل في الفراغ زاويه جديده والزاويه السطر ده عباره عن عمود سلسلتين عمود بعد ذلك بنشتغل على كل غرزه تقابلنا غرزه عمل وبنستمر على نفس النمط لنهايه السطر
وبنفضل نكرر في السطر رقم اثنين وثلاثه لحين الوصول بالصدر للمقاس المطلوب للتاكد من وصول الصدر للمقاس المطلوب

المقاسات المطلوبة للصدر المربع فى الفستان

يجب توفر مقاسين اول مقاس هو مقاس محيط دوران الذراع بنقيس الجزء المخصص للكم يجب ان يكون وصل لمقاس محيط دوران الذراع
المقاس رقم اثنين هو مقاس محيط دوران الصدر بينقيس الجزئيه المخصصه للامام يجب ان تكون وصلت لمقاس محيط دوران الصدر على اثنين او نصف مقاس محيط دوران الصدر بعد الوصول للمقاس المطلوب بنبدا في تقفيل الصدر وده مشروح بالتفصيل في الفيديو التعليمى وده باترون للغرزه المستخدمه لسهوله العمل

باترونات كروشيه للشتاء

بعد ذلك بننتقل للجزء الثاني في الفستان وهو جزء الوسط بنشتغل على كل غرزه تقابلنا غرزه عمود السطر رقم اثنين بيكون عمود امامي وعمود خلفي وبكده بنكون عملنا منطقه الوسط
بعد ذلك بننتقل الى الجزء الثالث في فستان

السطر الاول
بنشتغل اول غرزه عمود الغرزه رقم اثنين عمود الغرزه رقم ثلاثه اثنين عمود ونكرر غرزه عمود وغرزه عمود وغرزه اثنين عمود لنهايه السطر

السطر الرقم اثنين
بدايه السطر بنشتغل غرزه بف اماميه الغرزه رقم اثنين عمود الغرزه رقم ثلاثه عمود والغرزه رقم اربعه عمود
ونكرر النمط غرزه بف امامي ثلاث عمود على ثلاث غرز ثم غرزه بف اماميه ثم ثلاثه عمود على ثلاث غرز
ونستمر لنهايه السطر على نفس النمط ونكرر السطر مع التزايد
طريقه التزايد في الفيديو التعليمى

لتنفيذ الموديل باي مقاس اضغطوا على لينك جدول المقاسات

لينك جدول المقاسات

لمشاهده طريقه العمل بالتفصيل تابعوا الفيديو التعليمى