بنطلون كروشيه شتوى سهل بالخطوات

طريقة عمل بنطلون كروشيه شتوى للاطفال خطوة بخطوة

بسم الله الرحمن الرحيم
ازيكم يا حبايبي عاملين ايه
موديل النهارده عباره عن بنطلون كروشيه شتوي للاطفال , مناسب لاي عمر ولاي مقاس

اشتغلنا مع بعض قبل كده البلوفر , بنفس الغرزه ده لينك صفحه البلوفر لو حابين تشوفوه

والنهارده هنشرح مع بعض طريقه عمل البنطلون بالتفصيل خطوه بخطوه

علشان يكون جاهز بين ايديك الطقم كامل

لينك البلوفر

هاسيب لكم جداول المقاسات, حتى تتمكنوا من تنفيذ الموديل لاي سن وباي مقاس

كمان هيكون في فيديو تعليمي لطريقه العمل بالتفصيل

وبترون للغرزه المستخدمه

مواصفات البنطلون

تم تنفيذ الموديل لسن من سنه لسنه ونصف , مع امكانيه تغيير المقاس بكل سهوله اللي يناسب اي سن واي مقاس نوع الخيط المستخدم خيط صوف استوك تركي

مقاس الابره اربعه واربعه ونصف ,هاستخدم الابره مقاس اربعه في جزئيه الكمر والاساور الاخيره
وباقيت القطعه هاشتغل بابره مقاس اربعه ونصف
كميه الخيط المستخدمه 160 جرام ,من الممكن استخدام اي نوع مفضل لديكم وابره مناسبه للنوعيه الخيط

المقاسات المطلوبه لتنفيذ البنطلون

ننتقل لجزئيه المقاسات ودي جزئيه مهمه جدا لتنفيذ القطعه ,اول مقاس هنحتاجه في مقاسات البنطلون

مقاس محيط دوران اكبر حجم
ثاني مقاس بيكون مقاس طول الحجر
المقاس رقم ثلاثه بيكون الطول الداخلي للبنطلون وده بنقيسه من عند منطقه الحجر لنهايه الرجل

ممكن استبدال الطول الداخلي للبنطلون بالطول الخارجي للبنطلون وده بنقيسه من عند الكمر لنهايه الرجل
المقاسين بيدوكي نفس النتيجه

ملاحظه هامه في وجود الطفل يجب اخذ المقاسات من على الطفل مباشره وده بيكون افضل لاختلاف المقاس من طفل لاخر حتى في نفس العمر

بدايه عمل البنطلون

نشتغل سلسله بمقاس محي الدوران اكبر حجم

نراعي في السلسله ان تكون من مضاعفات العدد سته او عدد يقبل القسمه على سته

باشتغل القطعه بتاعتي لسن من سنه لسنه ونصف مقاس محيط دوران اكبر حجم 55 سم تقريبا

راعيت في سلسله البدايه ان تكون من مضاعفات العدد سته طلعت معي 90 غرزه

سسسس

طريقة عمل الكمر

بدايه العمل نتاكد ان السلسله معدوله ونغلق السلسله في اول غرزه بمنزلقه

السطر الاول

من سطور الكمر بارتفاع سلسلتين وباعتبرهم بعمود وباشتغل على كل غرزه تقابلني غرزه عمود لنهايه السطر

السطر رقم اثنين

بارتفاع سلسلتين وبيحسبوا معي بعمود خلفي

الغرزه رقم اثنين عمود امامي ,الغرزه رقم ثلاثه عمود امامي

ونكرر عامود خلفي اثنين عمود امامي ,عمود خلفي اثنين عمود امامي

لنهايه السطر ونستمر في تكرار السطر رقم اثنين لحين الوصول للعرض المناسب للكمر

بعد الانتهاء من جزئيه الكمر نبدا في جسم البنطلون

بدايه السطر الاول

بارتفع سلسله وبتكون مجرد ارتفاع, وباروح على اول غرزه عندي وباشتغل غرزه عمود امامي

الغرزه رقم اثنين عمود بلفه والغرزه رقم ثلاثه عمود بلفه
وكرر( عمود امامي اثنين عمود بلفه) عمود امامي اثنين عمود بلفه ,وبنستمر على النمط لنهايه السطر

بينتهي السطر بتاعي بغرزه منزلقه في اول عمود امامي

بدايه السطررقم اثنين

بارتفاع سلسلتين وبيحسبوا معي بعمود ,الغرزه رقم اثنين والغرزه رقم ثلاثه عمود خلفي

ونكرر (عمود بلفه فوق العمود الامامي اللي في السطر اللي فات اثنين عمود خلفي فوق الاثنين عمود بلفه من السطر اللي فات )

وبستمر على النمط بتاعي عمود بلفه اثنين عمود خلفي عمود بلفه اثنين عمود خلفي لنهايه السطر

وبنستمر في تكرار السطر رقم واحد ورقم اثنين من نمط الغرزه لحين الوصول للمقاس المطلوب

وهو مقاس طول الحجر على حسب السن ويفضل يكون المقاس مرتاح يعني زياده 1سم او 2 سم عن المقاس اللي في الجدول علشان يكون مريح في اللبس

باترون الغرزة

طريقة اخذ مقاسات البنطلون

بنقيس من بدايه الكمر لاخر السطر اشتغلناه يجب ان يصل لطول الحجر وازيد كمان

بعد التاكد من وصول الحجري للمقاس المطلوب نبدا في تقسيمه القطعه

للرجل اليمين والرجل الشمال

طريقه التقسيم المشروحه بالتفصيل في الفيديو التعليمى

بنستمر في العمل على منطقه الرجل الشمال ,لحين الوصول للطول المناسب للبنطلون ,وهو الطول الداخلي

للبنطلون وده بنقيسه من منطقه الحجر لنهايه الرجل

او الطول الخارجي للبنطلون وده بنقيسه من منطقه الكمر لنهايه الرجل

قبل الوصول للطول المطلوب ب2سم تقريبا بنشتغل اسوره على حرف رجل البنطلون

وبتكون بنفس طريقه الكمر بالرجوع لطريقه الكمر حتى تتمكن من تنفيذ اسوره الرجل

للاستعانه بجدول المقاسات ده لينك جدول المقاسات لسهوله العمل

لينك جدول المقاسات

لمشاهده طريقه العمل بالتفصيل تابعوا الفيديو التعليمى

مدونة هبه للكروشية