بلوفر كروشيه شتوى للاولاد _مناسب للاطفال والكبار

طريقة عمل بلوفر كروشيه بغرزة الوافل

بسم الله الرحمن الرحيم

ازيكم يا حبايبي عاملين ايه

موديل النهارده عباره عن بلوفر كروشيه شتوي بغرزه الوافل

غرزه سهله وجميله مناسبه للمبتدئين , بتتكون من سطرين مع التكرار

الموديل بتاعنا بيعتمد على الصدر المربع , وده اللي هنشرحه بالتفصيل
مناسب للاطفال ومناسب كمان للكبار, تقدري تنفذيه لاي سن وباي مقاس

تم تنفيذ بنطلون بنفس الغرزة وده لينك صفحة البنطلون فيها شرح العمل بالتفصيل

بنطلون كروشيه للاطفال

مواصفات البلوفر بالتفصيل والخامات المستخدمه

تم تنفيذ الموديل لسن من سنه لسنه ونص , مع امكانيه تعديل المقاس ليناسب اي سن واي مقاس

نوع الخيط المستخدم خيط صوف تركي متوسط السمك

مقاس الابره اربعه ونصف

كميه الخيط 220 جرام تقريبا

المقاسات المطلوبه لعمل البلوفر بالتفصيل

المقاسات المطلوبه لتنفيذ القطعه بتاعتنا

اول مقاس بنحتاجه هو مقاس محيط دوران الراس , وده بنلاقيه في جداول الايس كاب

ثاني مقاس هو مقاس محيط دوران الذراع

المقاس رقم ثلاثه بيكون مقاس محيط دوران الصدر

المقاس الرابع بيكون الطول الكلي للبروفر وده متروك لك

المقاس رقم خمسه بيكون طول الكم الطويل

طريقة بداية تنفيذ البلوفر

بنشتغل سلسله بمقاس محيط دوران الراس ناقص 5 سم

بتحددي السن اللي انت بتشتغلي له القطعه بتاعتك وبتروحي على جدول مقاسات الايس كاب , بتطلعي مقاس محيط دوران الراس وبتطرحي منه 5 سم

وبنبدا نشتغل سلسله بالطول المطلوب

بنراعي في السلسله انها تكون من مضاعفات العدد سته , وفي النهايه بنزود اربعه غرز

باشتغل القطعه بتاعتي لسن من سنه لسنه ونصف مقاس محيط دوران الراس 45 سم , طرحت منه 5 سم واشتغلت سلسله بطول 40 سم

راعيت فيها تكون من مضاعفات العدد سته طلعت معي 60 غرزه , زودت كمان اربع غرز في النهايه علشان اضبط السطر اصبح العدد النهائي للغرز 64 غرزه

ننتقل للخطوه الثانيه وهي تقسيمه الصدر تقسيمه الصدر مهمه جدا في الغرزه بتاعتنا

هاسيب لكم جدول بتقسيمات الصدر لمجموعه من المقاسات , تقدري تستعيني بها لسهوله العمل

سلسلة البداية الامام الخلف الكم الكم
58 19 19 10 10
64 19 19 13 13
70 22 22 13 13
76 22 22 16 16
82 25 25 16 16
88 25 25 19 19
94 28 28 19 19
100 28 28 22 22
106 31 31 22 22
112 31 31 25 25

بداية عمل البلوفر

بعد ما وصلنا للتقسيمه المناسبه نبدا العمل على سلسله البدايه

اول خطوه بنعدل السلسله ونتاكد انها مضبوطه وبنقفل في اول سلسله بغرزه منزلقه

بدايه السطر التمهيدى

برتفع سلسلتين وبيحسبه معي باول عمود ,وباشتغل على كل غرزه تقابلني غرزه عمود , لحين الوصول لمكان الزاويه الزاويه في السطر ده بتكون عباره عن (سلسلتين ) ومش بنتخاطب بهم اي غرز

وبنبدا نكمل على كل غرزه تقابلنا غرزتها عامود وفي مكان الزاويه بنشتغل سلسلتين ومش بتتخطى بهم اي غرز

وده السطر التمهيدي

بينتهي السطر بتاعي باخر زاويه لكن في اخر زاويه مش بنعمل سلسلتين بنعمل سلسله واحده وبنروح على ثاني سلسله ارتفاع ونشتغل فيها غرزه حشو

وبكده بيكون انتهى السطر بتاعنا وبنبدا السطر الجديد والسطر الجديد بيكون اول سطر من سطور الغرزه بتاعتنا

بلوفر كروشيه شتوى للاولاد _مناسب للاطفال والكبار

بدايه السطر الاول

بنرتفع سلسلتين وبيحسبوا معي باول عمود , وباشتغل في نفس الفراغ بتاع الزاويه كمان عمود

وده بيكون نصف الزاويه الاولى

اول غرزه تقابلنا بنشتغل عليها عمود امامي الغرزه رقم اثنين عمود عاديوالغرزة رقم ثلاثه عمود عادى

ونكرر (عمود امامي اثنين عمود عادي), عمود امامي اثنين عمود عادي ,الحين الوصول لفراغ الزاويه

بنشتغل تحت السلسلتين زاويه جديده وبتكون عباره عن (اثنين عمود سلسله اثنين عمود)

وبنستمر على نفس النمط لنهايه السطر

وفي نهايه السطر بنكمل الزاويه اللي بدانا بها بنشتغل في الفراغ الاخير اثنين عمود

وبنهي السطر بغرزه حشو في ثاني سلسله ارتفاع وده اول سطر من سطور الغرزه بتاعتنا

السطر رقم اثنين

بدايه السطر برتفع سلسلتين وبيحسبوا معي باول عمود وده بيكون نصف

الزاويه الغرزه رقم واحد والغرزه رقم اثنين بشتغل عليهم عواميد خلفيه

بيقابلني اول عمود امامي بشتغل عليه عمود عادي وبستمر على نفس النمط

(اثنين عمود خلفي عمود عادي) اثنين عمود خلفي عامود عادى, لحين الوصول لفراغ الزاويه باشتغل في فراغ الزاويه (عمود سلسله عمود )

وهي دي الزاويه بتاعتنا في السطر ده

وباكمل على نفس النمط لنهايه السطر بنهي السطر بتاعي بتكمله اول زاويه ,اروح لاول فراغ واشتغل فيه كمان عمود وانهي السطر بتاعي بغرزه حشو في ثاني سلسله ارتفاع

وبنفضل نكرر سطرين الغرزه لحين وصول الصدر للمقاس المطلوب

باترون للغرزة المستخدمه

مقاسات صدر البلوفر

للتاكد من وصول الصدر للمقاس المطلوب بنحتاج له مقاسين اثنين

اول مقاس هو مقاس محيط دوران الذراع بنقيس جزئيه الكم ونتاكد من وصولها للمقاس المطلوب

ثاني مقاس هو مقاس محيط دوران الصدر بنقسم المقاس اللي في الجدول على اثنين وبنتاكد ان جزئيه الامام او جزئيه الخلف وصلت للمقاس المطلوب وهو نصف مقاس محيط دوران الصدر

بعد التاكد من المقاس المطلوب بنبدا في تقفيل القطعه بتاعتنا

وطريقه التقفيل بالتفصيل موجوده في الفيديو التعليمى

بعد ذلك بنستمر في سطرين الغرزه بدون زوايا لحين وصول القطعه للطول المطلوب

طريقة عمل الكمر

بعد ذلك بنعمل جزئيه الكمر بنشتغل (اثنين عمود امامي عمود عادي ),اثنين عمود امامي عمود

وده بيكون اول سطر من سطور الكمر

السطر رقم اثنين بنشتغل (اثنين عمود امامي عمود خلفي), اثنين عمود امامي عامود خلفي

وبنفضل نكرر في السطر رقم اثنين لحين وصول الكمر للمقاس المطلوب وبنفس الطريقه بنعمل اسوره الكم

لتنفيذ القطعه باي مقاس هنحتاج لجداول المقاسات وده لينك جدول المقاسات لسهوله العمل

جدول المقاسات

لمشاهده طريقه العمل بالتفصيل تابعوا الفيديو التعليمى

مدونة هبه للكروشية