شرح طريقة عمل بلوزة كروشيه بصدر دائرى لاى مقاس
بسم الله الرحمن الرحيم
ازيكم يا حبايبي عاملين ايه
موديل النهارده عباره عن بلوزه كروشيه صيفي مميزه جدا وجميله
مناسبه للاطفال ومناسبه كمان للكبار
تقدري تنفذيها لاي سن وباي مقاس
هنشتغلها مع بعض بالتفصيل خطوه بخطوه
البلوزه بتعتمد على الصدر الدائري هنشرحه مع بعض بالتفصيل
وهنشوف ازاي كمان بنقدر ناخذ المقاسات المظبوطه ونطبقها على القطعه بتاعتنا
مع باترون للغرزة المستخدمه وفيديو تعليمى لطريقة عمل البلوزة عملى للمبتدئين
مواصفات البلوزه
تم تنفيذ البلوزه لسن من سنه لسنه ونص مع امكانيه تعديل المقاس ليناسب اي سن واي مقاس
خطوات بسيطه وتقدريتعدلى للمقاس اللي انت محتاجاه
نوع الخيط المستخدم هو خيط اليزا ديفا
كميه الخيط 120 جرام تقريبا
مقاس الابره 2.75
طبعا تقدري تشتغلي باي نوع خيط مفضل عندك وابره مناسبه لنوع الخيط
مقاسات البلوزه الكروشيه الصيفي
اول مقاس بنحتاجه هو مقاس محيط دوران الراس
القطعه بتاعتنا مقفوله فبنشتغل على دوران الراس بتحددي السن اللي انت بتشتغلي له القطعه بتاعتك
وبتروحي على جدول مقاسات الايس كاب
وبتطلعي منه مقاس محيط دوران الراس
ثاني مقاس بنحتاجه هو مقاس محيط دوران الذراع
المقاس رقم 3 بيكون مقاس محيط دوران الصدر
المقاس الرابع بيكون الطول الكلي للبلوزه وده متروك لك
بدايه العمل
بنشتغل سلسله بمقاس محيط دوران الراس مع مراعاه ان تكون السلسله من مضاعفات العدد اربعه
بشتغل القطعه بتاعتي لسن من سنه لسنه ونص مقاس محيط دوران الراس 45 سم
راعيت فيها تكون من مضاعفات العدد اربعه طلعت معايا 104 سلسله
اول خطوه هنعملها هنعدل السلسله بتاعتنا ونتاكد انها معدوله ونروح لاول غرزه ندخل فيها ونعمل منزلقه ونقفل السلسله بتاعتنا
بدايه سطر التاسيس
برتفع سلسلتين وبحسبهم بعمود
وبشتغل كمان سلسله اتخطى غرزه وانتقل الغرزه اللي بعدها واشتغل فيها عمود
وبعدين سلسله اتخطى غرزه وانتقل للغرزه اللي بعدها واشتغل عمود
واكمل على نفس النمط لنهايه السطر وبينتهي السطر بتاعي بغرزه منزلقه في تاني سلسله ارتفاع
السطر الاول
بدايه السطر بنتقل لاول فراغ بغرزه منزلقه
بارتفاع سلسله وبتكون مجرد ارتفاع وبشتغل في نفس الفراغ غرزه حشو
ثم سلسله وانتقل للفراغ اللي بعده واشتغل صدفه من اربعه عمود بلفتين
ثم سلسله وانتقل للفراغ واشتغل حشو
ثم سلسله وانتقل للفراغ واشتغل صدفه من اربعه عمود بلفتين
وبكمل على نفس النمط لنهايه السطر وبينتهي السطر بتاعي بغرزه منزلقه في اول غرزه حشو
السطر الثاني
بدايه السطر بنتقل لاول عمود بلفتين وبشتغل فيه غرزه منزلقه خلفيه
برتفع سلسلتين وبحسبهم باول عمود خلفي
بنتقل على العمود رقم 2 وبشتغل عليه عمود خلفي
ثم سلسلتين وانتقل على العمود رقم ثلاثه واشتغل عليه عمود خلفي
ثم انتقل على العمود رقم اربعه واشتغل عليه عمود خلفي
اتخطى السلسله وغرزه الحشو والسلسله وانتقل مباشره على الصدفه المكونه من اربعه عمود بلفتين
اشتغل على اول عمود عمود خلفي
العمود رقم 2 اشتغل عليه عمود خلفي
ثم سلسلتين العمود رقم 3 بشتغل عليه عمود خلفي
والعمود رقم اربعه بشتغل عليه عمود خلفي
بعد ذلك بنتقل مباشره للصدفه اللي بعدها
وبكرر على نفس النمط لنهايه السطر وبينتهي السطر بتاعي بغرزه منزلقه في ثاني سلسله ارتفاع
السطر الثالث
بدايه السطر برتفع سلسله وبتكون مجرد ارتفاع
وبدخل في الفراغ بين الصدفات واعمل غرزه حشو
ثم سلسله وانتقل لاول صدفه تقابلني مكونه من اثنين عمود خلفي سلسلتين اثنين عمود خلفي
ادخل تحت السلسلتين واشتغل صدفه جديده من اربعه عمود بلفتين
ثم سلسله وانتقل بين الصدفات واشتغل غرزه حشو
ثم سلسله وانتقل للصدفه ادخل تحت السلسلتين واشتغل صدفه جديده من اربعه عمود بلفتين
واكمل على نفس النمط لنهايه السطر
وبينتهي السطر بتاعي بغرزه منزلقه في اول غرزه حشو
السطرالرابع
تكرار للسطر رقم 2
السطر الخامس
تكرار للسطر رقم 3
السطر السادس
تكرار للسطر رقم 2
السطر السابع
هنبدا التزايد بدايه السطر برتفع سلسله وبتكون مجرد ارتفاع
وبشتغل في الفراغ ما بين الصدفات غرزه حشو
ثم سلسله وانتقل لاول صدفه تقابلني ادخل تحت السلسلتين واشتغل صدفه من سته عمود بلفتين
ثم سلسله واشتغل ما بين الصدفات غرزه حشو
ثم سلسله وانتقل للصدفه اللي بعدها ادخل تحت السلسلتين واشتغل سته عمود بلفتين
ثم سلسله وانتقل بين الصدفات واشتغل غرزه حشو
واكمل على نفس النمط لنهايه السطر وكده بنكون عملنا التزايد
بينتهي السطر بتاعي بغرزه منزلقه في اول غرزه حشو
السطر الثامن
بنتقل لاول عمود بلفتين بغرزه منزلقه خلفيه
برتفع سلسلتين وبيحسبوا معايا باول عمود خلفي
العمود رقم 2 بشتغل عليه عمود خلفي
العمود رقم 3 بشتغل عليه عمود خلفي
ثم سلسلتين وانتقل للعمود رقم 4 واشتغل عليه عمود خلفي
العمود رقم 5 عمود خلفي
والعمود رقم 6 عمود خلفي
بعد ذلك بنتقل على الصدفه التاليه مباشره اول عمود بشتغل عليه عمود خلفي
العمود رقم 2 بشتغل عليه عمود خلفي
العمود رقم 3 بشتغل عليه عمود خلفي
ثم سلسلتين وانتقل العمود رقم 4 واشتغل عليها عمود خلفي
والعمود رقم 5 عمود خلفي
والعمود رقم 6 عمود خلفي
وبكمل على نفس النمط لنهايه السطر
وبينتهي السطر بتاعي بغرزه منزلقه في ثاني سلسله ارتفاع
وبكده بنكون عملنا التزايد
السطر التاسع
تكرار للسطر رقم 7
السطر العاشر
تكرار للسطر رقم 8
السطر الحادي عشر
بدايه السطر برتفع سلسله وبدخل بين الصدفات وبعمل غرزه حشو
ثم سلسله وبنتقل لاول صدفه عندي مكونه من ثلاثه عمود خلفي سلسلتين 3 عمود خلفي
بدخل تحت السلسلتين وبشتغل صدفه جديده من 8 عمود بلفتين
ثم سلسله وانتقل للفراغ بين الصدفات واشتغل غرزه حشو
ثم سلسله وانتقل للصدفه ادخل تحت السلسلتين واشتغل صدفه جديده من 8 عمود بلفتين
ثم سلسله وانتقل بين الصدفات واعمل غرزه حشو
واكمل على نفس النمط لنهايه السطر
وده سطر التزايد وبينتهي السطر بتاعي بغرزه منزلقه في اول غرزه حشو
السطر الثاني عشر
بنتقل لاول عمود بلفتين بغرزه منزلقه خلفيه
بارتفاع سلسلتين وبحسبهم باول عمود خلفي
العمود رقم 2 بشتغل عليه عمود خلفي
العمود رقم 3 بشتغل عليه عمود خلفي
العمود رقم 4 بشتغل عليه عمود خلفي
ثم سلسلتين وانتقل للعمود رقم 5 واشتغل عليه عمود خلفي
العمود رقم 6 عمود خلفي
العمود رقم 7عمود خلفي
والعمود رقم 8 عمود خلفي
ثم انتقل للصدفه التاليه مباشره وكرر نفس النمط
وبستمر على نفس النمط لنهايه السطر
السطر الثالث عشر
تكرار للسطر رقم 11
السطر الرابع عشر
تكرار للسطر رقم 12
وبنستمر على نفس النمط لحين وصول الصدر للمقاس المطلوب
طريقه قياس الصدر الدائري في الكروشيه
بعد وصول القطعه للمقاس المطلوب بنبدا في تقسيم الصدر ووضع العلامات
اول خطوه بنعد الصدفات علشان نقدر نقسم
بالنسبه للموديل الاساسي كان عندي 26 صدفه
خصصت ست صدفات للكم اليمين ست صدفات للكم الشمال
سبع صدفات للامام وسبع صدفات للخلف
طبعا اختلاف المقاس هيخلي عدد الصدافات مختلف
يجب ان يكون عدد صدفات الكم في التقسيمه اقل من عدد صدفات الظهر او الامام
لكي يكون الموديل مظبوط بعد تقسيمه الصدر ووضع العلامات بنبدا فيه تقفيل منطقه الكم
سطر التقفيل
بدايه سطر التقفيل بنتقل لاول العمود بغرزه منزلقه خلفيه برتفع سلسلتين وبحسبهم باول عمود خلفي
وبشتغل عواميد خلفيه على نص عدد الصدفه على حسب الصدفه وصلت عندك لكم عمود
بعد ذلك بعمل سلسلتين وبنتقل على نص عدد عواميد الصدفه الثانيه
وبشتغل عليهم عواميد خلفيه
بالنسبه ليا انا وصلت الصدفه عندي لثمانيه عمود بلفتين
فبشتغل اربعه عمود خلفي ثم سلسلتين ثم اربع عمود خلفي
بعد ذلك بنتقل على الصدفه التاليه واشتغل عليها اربع عمود خلفي سلسلتين اربعه عمود خلفي
لحين الوصول الى صدفات الكم او الى مكان العلامه
بتخطى الصدفات المخصصه للكم وبنتقل على الصدفه التاليه بعد صدفات الكم وببدا اشتغل عليها بنفس النمط
اربعه عمود خلفي سلسلتين اربعه عمود خلفي
وبكمل على نفس النمط لحين الوصول لمجموعه صدفات الكم الثاني
بتخطى مجموعه صدفات الكم التاني وبنتقل لاول صدفه بعد صدفات الكم وببدا اشتغل عليها اربعه عمود خلفي ثم سلسلتين ثم اربعه عمود خلفي
وبكمل على نفس النمط وبينتهي السطر بتاعي بغرزه منزلقه في ثاني سلسله ارتفاع
وبكده بنكون قفلنا الصدر
باترون للغرزه المستخدمه
بعد تقفيل الصدر بنبدا بنشتغل النمط بتاعنا بدون تزايد بنستمر على النمط ست سطور
بعد ذلك نبدا نعمل التزايد وشرحنا طريقه التزايد في الصدر
بعد عمل التزايد بنستمر ست سطور بدون تزايد
وبعد ذلك نكرر التزايد لحين وصول القطعه لي الوسع المطلوب
بنوقف التزايد وبنفضل نكرر في سطور الغرزه بتاعتنا لحين وصول القطعه للطول المطلوب
بالنسبه لطول البلوزه ده متروك لك
وبكده بنكون شرحنا القطع بتاعتنا خطوه بخطوه
تقدري كمان تنفذي القطعه بتاعتنا باي مقاس من خلال جداول المقاسات
لمشاهده طريقه عمل البلوزه عملي تابعوا الفيديو التعليم
لا تترددوا في ترك اي سؤال او استفسار وساكون سعيده جدا بالرد عليكم