جداول المقاسات

طريقة عمل بلوزة كروشيه لفصل الربيع الشرح بالتفصيل

بسم الله الرحمن الرحيم 

ازيكم يا حبايبي عاملين ايه

موديل النهارده عباره عن بلوزه مميزه جدا 

مناسبه لفصل الشتاء وفصل الربيع ومناسبه ايضا لفصل الصيف

 يعني تقدري تنفذيها في اي وقت في السنه 

كمان ممكن تتنفذ للاطفال او الكبار

 هنشرحها مع بعض بالتفصيل خطوه بخطوه 

ومن خلال جداول المقاسات هيكون سهل تنفيذها لاي مقاس 

هيكون معانا كمان فيديو تعليمي لطريقه العمل بالتفصيل

 مواصفات وخامات الموديل

 تم تنفيذ الموديل لسن من سنه لسنتين مع امكانيه تغيير المقاس بكل سهوله من خلال جدول المقاسات 

نوع الخيط المستخدم خيط اليزا بيبي وول

 مقاس الابره 3

 كميه الخيط 180 جرام 

من الممكن تغيير نوعيه الخيط باي نوع مفضل لديكم وابرة مناسبه لنوعيه الخيط 

المقاسات المطلوبه لتنفيذ البلوزه 

اول مقاس بنحتاجه بيكون مقاس محيط دوران الرقبه لان الموديل مفتوح 

ثاني مقاس بيكون مقاس محيط دوران الذراع 

المقاس رقم 3 بيكون مقاس محيط دوران الصدر

 المقاس رقم 4 بيكون الطول الكلي للموديل 

المقاس رقم 5 بيكون طول الكم الطويل 

جميع المقاسات متوفره من خلال جدول المقاسات 

بدايه العمل

 بنبدا بسلسله البدايه يجب ان تكون بمقاس محيط دوران الرقبه زائد 8 سم 

مع مراعاه ان تكون السلسله من مضاعفات العدد اربعه

 بشتغل القطعه بتاعتي لسن من سنه لسنتين مقاس محيط دوران الرقبه 25 ل 26 سم 

ضفت كمان 8 سم واشتغلت سلسله بطول 33 سم 

راعيت فيها تكون من مضاعفات العدد اربعه طلعت معايا 80 غرزه

 دلوقتي هنبدا مع بعض اول سطر وده بيكون سطر تمهيدي 

بدايه السطر التمهيدي

 بتخطى اول سلسله من ناحيه الابره وبروح على السلسله رقم 2 وبشتغل غرزه حشو

 الغرزه اللي بعدها غرزه حشو والغرزه اللي بعدها غرزه حشو

 وبكمل السطر بتاعي كله من غرز الحشو وبينتهي السطر بتاعي وده بيكون السطر التمهيدي

 بدايه السطر الاول 

برتفع سلسلتين وبيحسبوا معايا باول عمود 

وبشتغل على الغرزه رقم 2 عمود الغرزه رقم 3 عمود 

الغرزه رقم 4 عمود والغرزة رقم 5 عمود والغرزه رقم 6 عمود 

بمعنى ان السطر بدا بسته عمود ودول هيفضلوا ثابتين معانا لنهايه القطعه 

بعد السته عمود بعمل سلسله اتخطى بيها ثلاث غرز

 وبروح على الغرزه رقم اربعه واشتغل حرف في من عمود سلسلتين عمود 

ثم سلسله اتخطى بيها ثلاث غرز

 وانتقل للغرزه الرابعه واشتغل حرف في من عمود سلسلتين عمود 

سلسله اتخطى بيها ثلاث غرز 

واروح على الغرزه الرابعه واشتغل حرف في من عمود سلسلتين عمود 

وبكمل على نفس النمط لنهايه السطر

 وبينتهي السطر  بتاعي بسته عمود زي ما بدا بسته عمود 

تقسيمة الصدر

دلوقتي جه ميعاد تقسيم الصدر

 اول خطوه بنعد حروف الفي ونشوف عندنا كام حرف في في السطر بتاعنا

 طلع عندي 16 حرف في

خصصت اربعه للزوايا وبدات اقسم 12 حرف في 

التقسيم كالتالي 

اثنين حرف في للكم اليمين اثنين حرف في للكم الشمال

 4 للضهر واربعه للصدر من الامام

 بما ان الامام مفتوح فخصصت اثنين لنص الصدر من ناحيه اليمين 

واثنين لنص الصدر من ناحيه الشمال

 وارد العدد عندك يطلع مختلف 

حاولي تقسمي بحيث ان الكم يكون اقل اثنين حرف في او ثلاثه حرف في عن الامام والخلف

دلوقتي هنبدا سطور التكرار وهم عباره عن ثلاث سطور وبنكررهم 

السطر الاول من سطور التكرار

 بنرتفع سلسلتين وبنعتبرهم باول عمود وبنشتغل على كل عمود عمود  (ست عواميد بدايه السطر)

 ثم سلسله وانتقل لاول حرف فى ادخل تحت السلسلتين واشتغل( غرزه كلاستر سلسلتين غرزه كلاستر)

 ثم سلسله وانتقل لحرف الفي واشتغل (غرزه كلاستر سلسلتين غرزه كلاستر)

 لحين الوصول لحرف في الزاويه بدخل تحت السلسلتين وبشتغل اول زاويه في النمط بتاعنا

 وهي عباره عن 

(غرزه كلاستر سلسلتين غرزه كلاستر سلسلتين غرز كلاستر سلسلتين غرزه كلاستر )

بنلاحظ ان تكون عندنا ثلاث فراغات في الزاويه 

بنحط العلامه في الفراغ اللي في النص

 ثم بننتقل للنمط بتاعنا بنعمل سلسله وننتقل لاول حرف فى

 ونشتغل (غرزه كلاستر سلسلتين غرز الكلاستر )

وبستمر على نفس النمط لنهايه السطر وبينتهي السطر بتاعي بسته عمود زي ما بدا بسته عمود

 وده اول سطر من سطور التكرار

 السطر الثانى من سطور التكرار

برتفع سلسلتين وبعتبرهم باول عمود وبشتغل على كل عمود يقابلني عمود( ست عمود بدايه السطر)

 ثم سلسله وانتقل لاول غرزتين كلاستر

 ادخل تحت السلسلتين واشتغل غرزه كلاستر سلسلتين غرزه كلاستر

 ثم سلسله وانتقل لغرزتين الكلاستر واشتغل تحت السلسلتين غرزه كلاستر سلسلتين غرزه كلاستر

 لحين الوصول لفراغ الزاويه الفراغ اللي وضعنا فيه العلامه

 بدخل في الفراغ وبشتغل (غرزه كلاستر سلسلتين غرزه كلاستر)

 وبنقل العلامه تحت السلسلتين لان ده مكان الزاويه في السطر القادم 

ثم سلسله وانتقل غرزتين الكلاستر واشتغل تحت السلسلتين غرزه كلاستر سلسلتين غرزه كلاستر 

وبكمل على نفس النمط لنهايه السطر وبينتهي السطر بتاعي بسته عمود وده بيكون السطر التاني من سطور التكرار

 السطر الثالث من سطور التكرار

برتفع سلسلتين وبعتبرهم عمود وبشتغل على كل عمود يقابلني عمود 

(سته عمود بدايه السطر)

 ثم سلسله وانتقل لاول غرزتين كلاستر واشتغل تحت السلسلتين غرزه كلاستر سلسلتين غرزه كلاستر 

ثم سلسله وانتقل لغرزتين الكلاستر واشتغل تحت السلسلتين غرزه كلاستر سلسلتين غرزه كلاستر

 وبكمل لحين الوصول لفراغ الزاويه بشتغل تحت السلسلتين (غرزه كلاستر سلسلتين غرزه كلاستر)

 وبنقل العلامه تحت السلسلتين وبكمل النمط بتاعي لنهايه السطر 

وبينتهي السطر بتاعي ب 6 عمود وده بيكون السطر الثالث من النمط بتاعنا

 وبنستمر في تكرار الثلاث سطور لحين وصول منطقه الصدر للمقاس المطلوب

 بعد وصول منطقه الصدر للمقاس المطلوب يجب اخذ المقاسات جيدا قبل التقفيل 

 وده باترون مفصل  للزاويه

المقاسات المطلوبه للصدر المربع 

اول مقاس بنحتاجه هو مقاس محيط دوران الذراع 

بنقيس الجزئيه المخصصه للكم يجب ان تصل لمقاس محيط دوران الذراع 

المقاس رقم 2 بيكون مقاس محيط دوران الصدر

 بناخذ المقاس من الجدول وبنقسمه على اثنين

 وبنقيس منطقه الضهر من الزاويه للزاويه يجب ان تصل لمقاس محيط دوران الصدر على 2 

او نص مقاس محيط دوران الصدر 

بعد التاكد من وصول منطقه الصدر للمقاس المطلوب بنبدا في تقفيل جزئيه الكم 

سطر التقفيل

 برتفع سلسلتين وبيحسبوا معايا باول عمود وبشتغل على كل عمود عمود

( ست عمود بدايه السطر) ثم سلسله وانتقل لاول غرزتين كلاستر

 ادخل تحت السلسلتين واشتغل غرزه كلاستر سلسلتين غرزه كلاستر

 ثم سلسله وانتقل لغرزتين الكلاستر واشتغل تحت السلسلتين غرزه كلاستر سلسلتين غرزه كلاستر

 واستمر في النمط لحين الوصول للزاويه 

عند الوصول لفراغ الزاويه بشتغل تحت السلسلتين غرزه كلاستر سلسلتين غرزه كلاستر

 ثم سلسله واتخطى جزئيه الكم وبننتقل للعلامه او للزاويه التاليه ونشتغل تحت السلسلتين

 غرزه كلاستر سلسلتين غرزه كلاستر

 ثم نستمر في النمط بتاعنا لحين الوصول عند منطقه الكم التاني 

وبنشتغل بنفس الطريقه وبنكمل السطر بتاعنا على نفس النمط 

وبينتهي السطر بسته عامود وده بيكون سطر التقفيل 

بعد ذلك بيكون النمط بتاعنا عباره عن سطر واحد وبنكرره 

بنستمر في تكرار النمط بتاعنا لحين وصول البلوزه للطول المطلوب ناقص 6 سم

 بعد وصول الموديل للطول المطلوب ناقص 6 سم بنبدا في تنفيذ الكورنيش 

وهيكون في باترون مفصل لطريقه الكورنيش

باترون كورنيش البلوزه

بعد ذلك بننتقل لفتحه الكم وبنبدا في تنفيذ الكم

 عند منطقه حرده الابط بنوصل الخيط 

السطر الاول من سطور الكم

برتفع ثلاث سلاسل وبيحسبوامعايا مجرد ارتفاع 

وبنتقل لاول فراغ ما بين اول غرزتين كلاستر وبشتغل غرزه كلاستر سلسلتين غرزه كلاستر 

ثم سلسله وانتقل لغرزتين الكلاستر واشتغل تحت السلسلتين غرزه كلاستر سلسلتين غرزة كلاستر

 وبكمل على نفس النمط لنهايه غرز فتحه الكم 

وبينتهي السطر بتاعي بغرزه منزلقه في ثالث سلسله ارتفاع 

 السطر الثانى من سطور الكم 

بنتقل بغرزه منزلقه لاول غرزه كلاستر ثم للفراغ بمنزلقه 

برتفع سلسلتين وبيحسبوا باول عمود ولم يكتمل

 بلف القطعه بتاعتي على الظهر وبشتغل عمود في نفس الفراغ وبقفل غرزه الكلاستر

 ثم سلسلتين وفي نفس الفراغ غرزه كلاستر كمان 

ثم سلسله بتخطى سلاسل الارتفاع وبنتقل لاول غرزتين كلاستر يقابلوني 

واشتغل تحت السلسلتين غرزه كلاستر سلسلتين غرزه كلاستر

 وبكمل على نفس النمط لنهايه السطر

وبينتهي السطر بتاعي بغرزه منزلقه في اول غرزه كلاستر 

بدايه السطر الثالث من سطور الكم

 بشتغل منزلقه في اول غرزه كلاستر تقابلني 

ثم منزلقه في الفراغ بلف القطعه بتاعتي وبشتغل على الجهه الاخرى 

بشتغل اول غرزه كلاستر سلسلتين غرزه كلاستر في نفس الفراغ 

ثم سلسله وانتقل لغرزتين الكلاستر واشتغل تحت السلسلتين غرزه كلاستر سلسلتين غرزه كلاستر

 وبكمل على نفس النمط لنهايه السطر

 وبنستمر في تكرار السطر رقم 2 والسطر رقم 3 لحين وصول الكم للطول المطلوب 

ناقص تقريبا من خمسه ل 6 سم

 بعد الوصول لطول الكم المطلوب ناقص من خمسه لسته سم 

بنبدا في عمل الكورنيش

وهنا جداول المقاسات لسهولة العمل

لينك جدول المقاسات

 وبكده بنكون شرحنا القطعه بالتفصيل خطوه بخطوه 

لمشاهده التفاصيل عملي تابعه الفيديو التعليمي