شرح طريقة عمل بلوزة كروشيه صيفى للكبار
.jpeg "بلوزة كروشيه صيفى للكبار")
بسم الله الرحمن الرحيم
ازيكم يا حبايبي عاملين ايه
موديل النهارده عباره عن بلوزه نسائي
تصلح للكبار وممكن كمان ننفذها للاطفال
من خلال جداول المقاسات تقدري تنفذيها لاي سن وباي مقاس
انا نفذتها لسن 15 سنه ولو بالمقاسات هيكون لمقاس S
بنفس الخطوات اللي هنشرحها مع بعض هتقدري تنفذيها لاي مقاس انت عايزه
طريقه اخذ المقاسات في القطعه بتاعتنا هتكون مختلفه عن النمط العادي
وده اللي هنشرحه بالتفصيل من خلال السطور القادمه
كمان هيكون في فيديو تعليمي لطريقه العمل عملي خطوه بخطوه
مواصفات البلوزه
تم تنفيذ القطعه لسن 15 سنه مقاس S
نوع الخيط المستخدم خيط قطن فاشن ستوك
مقاس الابره ثلاثه ونص
كميه الخيط من 450 ل 500 جرام تقريبا
المقاسات المطلوبه لتنفيذ الموديل
- مقاس محيط دوران الصدر المقاس
- طول الصدر
- طول حرده الابط
- عرض الكتف
- طول الكم الطويل
- طول الموديل كامل وده متروك لك
بدايه تنفيذ الموديل
بنبدا سلسله البدايه من منطقه الوسط سلسله البدايه يجب ان تكون بمقاس محيط دوران الصدر
بنراعي فى سلسله البدايه ان تكون من مضاعفات العدد 8 - 1
بشتغل القطعه بتاعتي لمقاس S
مقاس محيط دوران الصدر 88 سم
راعيتي سلسله البدايه ان تكون من مضاعفات العدد 8 طلعت معايا 152 غرزه
طرحت غرزه واحده اصبح عدد غرز سلاسل البدايه 151 غرزه
بالنسبه لنمط الغرزه بتاعتنا ده باترون لتوضيح نمط الغرزه بالتفصيل
بنبدا في تكرار النمط بتاعنا وهو عباره عن سطرين لحين وصول اول جزئيه في الموديل للمقاس المطلوب
وهو مقاس طول الصدر ناقص طول حرده الكم
بعد وصول القطعه للمقاس المطلوب بنبدا في تشكيل حردة الكم وفتحه الرقبه
بعد وصول القطعه للمقاس المطلوب بنبدا في تشكيل حردة الكم وفتحه الرقبه
بنبدا بجزئيه اليمين وبنشتغل تناقص بنمط محدد عند فتحه الرقبه لحين وصول القطعه لعرض الكتف
بعد وصول القطعه لعرض الكتف بنبدا نوقف التناقص ونرتفع بالسطور لحين وصول القطعه لطول حرده الابط
بنفس النمط بنشتغل الجزئيه الشمال
باترون لفتحة الرقبه وطريقة التناقص
بعد ذلك بننتقل لجزئيه الظهر وبنشتغل بنفس الطريقه بدون تناقص
بعد الانتهاء من قطعه الظهر بنبدا في تقفيل جزئيه الكتف
بعد الانتهاء من تقفيل منطقه الكتف بنبدا في عمل مرد الزراير والعراوي
بعد الانتهاء من تقفيل منطقه الكتف بنبدا في عمل مرد الزراير والعراوي
بننتقل لفتحه البلوزه من ناحيه الشمال وبنبدا نوصل الخيط وبنشتغل على نهايات السطور
عند نهايه كل سطر تحت اخر عمود بنشتغل اثنين غرزه حشو
ثم ننتقل على السطر التالي ونشتغل تحت اخر عمود اثنين غرزه حشو
وبنستمر فيه تكرار غرز الحشو لحين الوصول لمنطقه فتحه الرقبه
ثم بعد ذلك بينتهي السطر عند بدايه تناقص فتحه الرقبه
نرتفع سلسله وبنلف القطعه بتاعتنا وبنبدا في سطر من غرز الحشو
وبنستمر في السطور من غرز الحشولحين الوصول للمقاس المطلوب
طريقه عمل العراوي بالتفصيل في الفيديو التعليمي
بعد ذلك بنبدا في عمل النصف الثاني من البلوزه وده الباترون المستخدم لعمل الجزء الثاني في البلوزه
طريقه البلوزه سهله وبسيطه
ملحوظه هامه
يجب تحديد المقاسات المطلوبه في بدايه العمل
حتى نتمكن من تنفيذ القطعه بمقاسات مظبوطه
جميع المقاسات متوفره في صفحه جداول المقاسات
لمتابعه طريقه العمل بالتفصيل تابعوا الفيديو التعليمى لا تترددوا في ترك اي سؤال او استفسار