جداول المقاسات

فساتين كروشيه صيفى بالباترون

بسم الله الرحمن الرحيم

ازيكم يا حبايبي عاملين ايه

موديل النهارده هيكون موديل مميز جدا عباره عن فستان كروشيه صيفي بخيط قطن مناسب للاطفال ومناسب كمان للكبار يعني تقدري تنفذيه لاي سن ولاي مقاس

خطواته سهله جدا الغرزه بتاعته بسيطه هنشرحها مع بعض بالتفصيل خطوه بخطوه

مناسبه للمبتدئين

مواصفات الموديل

تم تنفيذ الموديل لسن من سنه لسنه ونص

لو مشيتي على نفس الخطوات هتقدري تنفذيه لاي مقاس انت عايزاه

بالنسبه للخيط المستخدم خيط قطن ايطالي وابره مقاس 3.5

كميه الخيط المستخدمه 200 جرام

مع امكانيه تغيير نوعيه الخيط باي نوع مفضل لديكم وابره مناسبه لنوعيه الخيط

المطلوب لتنفيذ الموديل

اول مقاس هو مقاس محيط دوران الراس ناقص 5 سم

محيط دوران الدراع

محيط دوران الصدر

الطول الكلي للفستان

بدايه العمل

تحديد السن ثم الذهاب الى جدول مقاسات الايس كاب لتحديد مقاس محيط دوران الراس

نطرح من المقاس اللي في الجدول 5 سم

ونبدا بعمل سلسله بالطول المطلوب نراعى فى السلسله انها تكون من مضاعفات العدد 6

بعد ذلك نبدا في عمل النمط المطلوب

طريقه شرح النمط بالتفصيل موجوده في الفيديو التعليمي

بعد الوصول بقطعه الصدر للمقاس المطلوب نبدا فيه تقفيل الكم

بعد تقفيل الكم بنبدا في تكرار النمط مع التزايد لحين وصول الفستان للطول المطلوب

طريقه التزايد مشروحه بالتفصيل في الفيديو

شرح النمط بالتفصيل

1- السطر الاول

نرتفع اربع سلاسل وبنروح على الغرزه الاولى ونشتغل عمود وده بيكون اول حرف في

نتخطى غرزتين ونروح على الغرزه الثالثه ونشتغل حرف في من عمود سلسله عمود

ونكرر على نفس النمط لنهايه السطر بننهي السطر في ثالث سلسله ارتفاع بغرزه منزلقه

وهنا نبدا في تقسيم الصدر ووضع العلامات لمعرفه اماكن الزوايا

وطريقه التقسيم مشروخه بالتفصيل في الفيديو التعليمي

2- السطر الثانى

بننتقل بمنزلقه لقلب اول حرف فى وبنبدا نكون اول غرزه فشاره

ثم سلسلتين وننتقل لحرف الفي ونشتغل غرزه كلاستر سلسلتين وننتقل لحرف الفي ونشتغل غرزه كلاستر

عندي الزاويه بنشتغل غرزه كلاسترسلسلتين غرزه كلاسترسلسلتين غرزات كلاستر ونستمر على نفس النمط لنهايه السطر ننهي السطر بغرزه منزلقه في اول غرزات كلاستر

3-السطر الثالث

نرتفع 3 سلاسل ونعتبرهم باول عمود ننتقل لاول فراغ ونشتغل اثنين عمود فوق غرزه الكلاستر نشتغل عمود وفي الفراغ نشتغل اثنين عمود عند الزاويه بنشتغل عمود سلسلتين عمود ونستمر على نفس النمط لنهايه السطر

لتنفيذ الموديل بمقاسات مختلفه يرجى الرجوع لصفحه جداول المقاسات

لينك صفحه جداول المقاسات

لا تترددوا في ترك اي سؤال او استفسار

لمشاهده طريقي العمل بالفصيل تابعوا الفيديو التعليمي