بلوزة كروشيه صيفى قطن وسهلة للمبتدئين
بسم الله الرحمن الرحيم ازيكم يا حبايبي عاملين ايه
موديل النهارده عباره عن بلوزه كروشيه صيفي سهله وبسيطه مناسبه لاي مقاس
بتتكون البلوزه بتاعتنا من قطعتين متماثلتين
بعد الانتهاء من القطعتين بنبدا في تشبيكهم ثم الشغل حوالين القطع
حتى لو كنت لسه مبتدئه في الكروشيه هيكون سهل عليك تنفذيها
موديل مميز وجميل مناسب كمان للمصايف والبحر
هيكون في جدول المقاسات وفيديو تعليمي لسهوله العمل
الغرز المستخدمه
- غرزه العمود بلفه
- غرزه الصدفه المكونه من سبعه عمود
- غرزه حرف الفي وبتكون عباره عن عمود سلسله عمود
- غرزه الحشو
- غرزه النص عمود
مواصفات الموديل
تم تنفيذ الموديل لسن سنتين مع امكانيه تغيير المقاس ليناسب اي سن واي مقاس
كميه الخيط 120 جرام تقريبا
نوع الخيط المستخدم خيط قطن ايطالي
مقاس الابره 3
مع امكانيه تغيير نوعيه الخيط باي نوع مفضل لديكم وابره مناسبه لنوعيه الخيط
المقاسات المطلوبه للموديل
بدايه العمل
بنعمل عقده البدايه وبنشتغل خمس سلاسل وبنقفلهم بمنزلقه
ارتفع ثلاث سلاسل واعتبرهم بعمود واعمل كمان سلسله يبقى معايا عمود وسلسله
بشتغل كمان عمود وبعدين سلسله كمان عمود ثم سلسله وبنستمر على نفس النمط وبينتهي السطر بتاعنا بيكون موجود في الدايره 8 عمود ما بين كل عمود واللي بعديه سلسله
بنهي السطر بتاعي بمنزلقه في ثالث سلسله ارتفاع
بدايه السطر
بنتقل لاول فراغ بمنزلقه برتفع سلسله وبتكون مجرد ارتفاع وفي نفس الفراغ بشتغل غرزه حشو
انتقل على الفراغ اللي بعديه واشتغل صدفه من سبعه عمود
انتقل على الفراغ اللي بعديه واشتغل حشو
الفراغ اللي بعديه صدفه من سبعه عمود
الفراغ اللي بعديه حشو
الفراغ اللي بعديه صدفه من سبعه عمود
الفراغ اللي بعديه حشو
وبكده بينتهي السطر بتاعي يبدا السطر الجديد والسطر الجديد هيكون اول سطر من سطور النمط بتاعنا
بداية السطر الاول من النمط
برتفع 5 سلاسل وبلف القطعه على الجهه الثانيه
وبروح على اول غرزه عندي وبشتغل فيها حرف في من عمود سلسله عمود
ثم خمس سلاسل ثم انتقل لغرزه الحشو واشتغل فيها زاويه مكونه من حرف في ثلاث سلاسل حرف في
ثم خمس سلاسل وانتقل لغرزه الحشو واشتغل زاويه مكونه من حرف في ثلاث سلاسل حرف في
ثم انتقل لغرزه الحشو الاخيره واشتغل فيها حرف في سلسلتين عمود
وبكده بينتهي اول سطر من سطور النمط بتاعنا
السطر رقم 2
برتفع سلسله وبلف القطعه بتاعتي على الجهه الثانيه
بروح لاول فراغ وبشتغل فيه غرزه حشو
ثم انتقل لحرف الفى واشتغل فيه صدفه من سبعه عمود
ثم انتقل لصدفه في السطر اللي فات واروح للعمود رقم اربعه واعمل غرزه حشو
ثم انتقل لحرف الفى واشتغل صدفه من سبعه عمود
ثم انتقل للفراغ ما بين حروف الفي فى الزاويه واشتغل حشو ثم حرف الفي الاخر واشتغل صدفه من سبعه عمود واكمل على نفس النمط لنهايه السطر وبينتهي السطر بغرزه حشو زي ما بدا بغرزه حشو
وبنفضل نكرر في السطرين لغايه القطعه بتاعتنا ما توصل للمقاس المطلوب
المقاس المطلوب هو نص مقاس محيط دوران الصدر ناقص 3 سم او 4 سم
عند الوصول للمقاس المطلوب بنبدا نشتغل سطور مع تغيير بدايات ونهايات السطور
وده مشروح بالتفصيل في الفيديو التعليمي
بعد الوصول بالقطعه للمقاس المطلوب بنبدا في تشبيك القطعتين
ثم الشغل على منطقه الرقبه سطور من غرز الحشو
ثم تشطيب حرده الكم بسطر من غرز الحشو
بعد ذلك بنبدا في عمل الحمالات وبتكون بغرزه النص عمود
طول الحماله متروك لك بعد ذلك بيننتقل لحرف القطعه وبنشتغل سطر من الصدفات في نهايه البلوزه
لمشاهده خطوات العمل بالتفصيل تابعوا الفيديو التعليمي
حتى تتمكني من تغيير المقاس بكل سهوله يرجى الرجوع لجدول المقاسات