بلوزة كروشيه بنمط مميز وجميل مناسبه لجميع المقاسات
بسم الله الرحمن الرحيم
ازيكم يا حبايبي عاملين ايه
موديل النهارده عباره عن بلوزه او كارديجان كروشيه مناسب للاطفال ومناسب كمان للكبار
خطواته سهله هنشتغلوا مع بعض بالتفصيل خطوه بخطوه
بيعتمد على الصدر المربع وده اللي هنشرحه بالتفصيل
استخدمت في الموديل الخيط قطن تقدري تستبدلي الخيط باي نوع مفضل لديكى
ممكن بكل سهوله تحويل الموديل من صيفي لشتوي بتغيير نوعيه الخيط
وان احنا نعمل الكم طويل ولو حابين شرح الموديل شتوي اكتبوا لي في التعليقات تحت الفيديو التعليم
بالنسبه للمقاسات هيكون في شرح توضيحي للمقاسات
وكمان لتقسيمه الصدر المربع
ولينك جدول المقاسات هيكون موجود معانا
وفيديو تعليمي لطريقه العمل بالتفصيل
مواصفات الموديل
تم تنفيذ الموديل لسن سنتين ونص مع امكانيه تعديل المقاس يناسب اي سن واي مقاس
نوع الخيط المستخدم خيط قطن ايطالي
كميه الخيط 170 جرام تقريبا
رقم الابره 3
المقاسات المطلوبه
محيط دوران الرقبه
محيط دوران الدراع
مقاس محيط دوران الصدر
الطول الكلي للموديل وده متروك لك
الغرز المستخدمه
- غرزه العمود بلفه
- غرزه الحشو
- غرزه حرف الفي
- صدفه مكونه من خمسه عمود
- غرزه البيكو
.jpeg "بلوزة كروشيه بنمط مميز وجميل مناسبه لجميع المقاسات")
بدايه العمل
بنشتغل سلسله بمقاس محيط دوران الرقبه زائد من 5 ل 7 سم
نراعي في السلسله انها تكون من مضاعفات العدد 8
بعد وصول السلسله بتاعتنا للطول المطلوب والتاكد من انها من مضاعفات العدد 8 بنزود غرزه واحده
وبننتقل لتقسيمه الصدر ودي مهمه في الموديل بتاعنا
بشتغل القطعه بتاعتي لسن سنتين ونص مقاس محيط دوران الرقبه 26 سم
ضفت عليه كمان 7 سم واشتغلت سلسله بمقاس 33 سم
مع مراعاه تكون بمضاعفات العدد 8 طلعت معايا 104 سلسله
ضفت كمان سلسله واحده علشان اظبط السطر اصبح عدد الغرز 105
طبعا اختلاف المقاس واختلاف نوع الخيط هيخلي عدد الغرز عندك مختلف
بالنسبه للتقسيمه اللي اشتغلت عليها كانت عباره عن
- عدد الغرز عندي 105
- اول خطوه طرحت منهم تسع غرز ودول مرد الزراير والعراوي
- بعد ذلك بدات في تقسيم 96 غرزه
- 16 غرزه للنص اليمين من الامام
- 16 غرزة للكم اليمين
- 32 غرزه للظهر
- 16 غرزه للكم الشمال
- 16 غرزه للنص الشمال من الامام
- بنراعي فى تقسيمتنا ان كل جزئيه تكون مضاعفات العدد
بعد الانتهاء من التقسيم بيكون في عندنا تسع غرز مرد الزراير والعراوي
بنخصص خمس غرزللجزء اليمين من الصدر
واربع غرز للجزء الشمال
بيتحول عندي نص الصدر اليمين ل 21 غرزه
ونص الصدر الشمال ليه 20 غرزه
وهيكون في جدول صغير في تقسيمات الصدر حتى تتمكني من تنفيذ الموديل لاي سن اي مقاس
.jpeg "بلوزة كروشيه بنمط مميز وجميل مناسبه لجميع المقاسات")
تقسيمات الصدر
- سلسله البدايه 105
- نص الصدر اليمين 21 الكم 16 الضهر 32 الكم الشمال 16 نص الصدر الشمال 20
- سلسله البدايه 121
- نص الصدر اليمين 21 الكم اليمين 24 الضهر 32 الكم الشمال 24 نص الصدر الشمال 20
- سلسله البدايه 109
- نص الصدر اليمين 21 الكم 24 الضهر 40 الكم الشمال 24 نص الصدر الشمال 20
- سلسله البدايه 153
- نص الصدر اليمين 29 الكم اليمين 24 الظهر 48 الكم الشمال 24 نص الصدر الشمال 28
- سلسله البدايه 169
- نص الصدر اليمين 29 الكم 32 الضهر 48 الكم الشمال 32 نص الصدر الشمال 28
وده بيكون جدول بسيط لتنفيذ الصدر